Аманат тобы

Капездин коштасуы

Алаш қонған ақ боз үй бос қалды ма,
Жетім-жесір қасында дос қалды ма?
Өкінбейін десем де өзегім бар,
Өтіп кетті-ау дүние қас қағымда.
Әзәзілге сендің бе,
Айтқанына көндің бе?
Халқым деген Қапезді,
Жау деп ұстап бердің бе?
Итжеккенге айдаған,
Кер заманның әлегі.
Бұлбұл құстай сайраған,
Бұл Қапездің әні еді.
Қалып барады артымда балапаным,
Аямасын ағайын алақанын.
Кебін емес, кебенек киіп барам,
Қош-есен бол, Ақтоғай, Алатауым!