Лайлам менин
Ләйләм менің...
Ажарың аспандағы айдан керім.
Махаббат ғашықтарға майдан болса,
Мен сенің жүрек жұтқан майдангерің.
Жеңілді мұң...
Жаныңда жаным тыныш сенің гүлім,
Мені әулие демейді ешкім, бірақ,
Сені сүйетініме сенімдімін.
Жаным құмар...
Махаббатқа жүрегім табындырар.
Сүйгеніңді сүймесең түптің түбі,
Жалғыздығы адамды жаңылдырар.
Жат елеске...
Өміріңді тапсыру қате емес пе?
Жүрегіңді тыңдауға жүрексінбе,
Тағдырыңды таңдауда қателеспе.
Тыңда мені...
Ғашықтардың ғазауат мұңды әлемі.
Өз қолымен жасаған өкініштің,
Кездеседі өмірде мың дәлелі.
Жылатады...
Жылап тұрып кешірім сұратады.
Адам бір рет сүйеді, содан кейін,
Соған ұқсас адамды ұнатады.
Жаным құмар...
Махаббатқа жүрегім табындырар.
Сүйгеніңді сүймесең түптің түбі,
Жалғыздығы адамды жаңылдырар.
Жат елеске...
Өміріңді тапсыру қате емес пе?
Жүрегіңді тыңдауға жүрексінбе,
Тағдырыңды таңдауда қателеспе.
Айдан керім,
Атыңнан айналайын Ләйләм менің.
Махаббат майданында шейіт болсам,
Ләә-илә деп бітсе-ғой қайран демім
Айдан керім,
Атыңнан айналайын Ләйләм менің.
Махаббат майданында шейіт болсам,
Ләә-илә деп бітсе-ғой қайран демім
Ләйләм менің.
